Beogradi mbulohet me postera të kriminelit të luftës, Ratko Mlladiq (Foto)
Qendra e Beogradit është mbushur me postera të kriminelit të luftës, i shpallur kështu nga Gjykata e Hagës, Ratko Mlladiq.
Lajme
Në këta postera është i vendosur një mbishkrim ku thotë: “Unë nuk të tradhtoj”. Mlladiq shihet në foto me dorën e ngritur ku është duke e bërë një përshëndetje ushtarak, transmeton lajmi.net.
Ky akt është bërë, nga aktivistet e lëvizjes me motive nacionale serbe, ku edhe kanë dërguar reagimin e tyre në media, ku Radovan Karaxhiq, Ratko Mlladiq i quajnë luftëtarë të shquar të lirisë serbe.
Tribunali i Hagës e dënoi me burgim të përjetshëm Ratko Mlladiqin, komandantin e Ushtrisë së Republikës Srpska.
Mlladiq akuzohet për krime lufte dhe gjenocid në Bosnjë dhe Hercegovinë mes viteve 1992 dhe 1995.
Mlladiq u arrestua më 26 maj 2011 pasi qëndroi 12 vite i fshehur ai u ekstradua në Hagë më 31 maj të të njëjtit vit. /Lajmi.net/