Siç njofton Ministria, përmes një komunikate për media, ministri Krasniqi ka falënderuar shefin Stock për mbështetjen që kanë dhënë deri më tash për zhvillimin e sektorit të bujqësisë në Kosovë, veçanërisht në skemën e granteve për Kosovën, me theks të veçantë në sektorin e agropërpunimit. Ai ka vlerësuar si shumë domethënëse që në kuadër të IPA 2, bujqësia është ndër tri shtyllat kyçe.

Ministri e ka njoftuar shefin e Operacioneve në Zyrën e KE-së më hollësisht për Programin për Bujqësi dhe Zhvillim Rural 2015, duke treguar se me rritjen e buxhetit është arritur të rritet mbështetja për fermerët dhe agrobizneset vendore përmes pagesave direkte dhe granteve investive.

Nga ana tjetër, Stock ka vlerësuar zhvillimet në bujqësi, duke e theksuar si një fushë që ka shënuar dhe po shënon mjaft progres. Ai ka thënë se BE-ja do të vazhdojë të rrisë fokusin në këtë drejtim, duke premtuar thellim të bashkëpunimit, njoftoi Ministria.