“Për një pikëpyetje aq të madhe, nuk duhet të lejohet që çështja të zgjidhet brenda pak muajsh. Normalisht, nëse Beogradi dhe Prishtina pajtohen në 10 ditë, i përgëzoj”, ka thënë Mancheng.

“Kina ka pritur gati 100 vjet për ta zgjidhur problemin me Hong Kongun, dhe një çështje e tillë është zgjidhur më 1997”, ka thënë ai.

Ai tutje ka shtuar se Kosova është çështja kryesore për shtetin serb, duke përsëritur se nuk duhet dhënë afate për arritjen e marrëveshjes së pritur, transmeton lajmi.net.

“Është opinioni personal, jo zyrtar. Kur është puna te çështja e Kosovës, kjo i referohet sovranitetit dhe integritetit territorial të Serbisë, kjo është çështja kryesore për këtë shtet, Qeverinë dhe njerëzit këtu”, ka thënë Mancheng.

Ndryshe, gjatë ditës së djeshme ministri i Jashtëm serb, Ivica Daçiq ka deklaruar se në dialogun me Serbinë nuk është e nevojshme përfshirja e fuqive të mëdha, SHBA-së, Kinës dhe Rusisë.

Ai gjithashtu deklaroi se në takimin në Uashington nuk është diskutuar ndarja e Kosovës.