Ambasadori Hysa viziton të burgosurit kosovarë në Shkup
Zyrtarë kosovarë kanë vizituar sot të burgosurit në burgun hetues “Shutkë” të Shkupit, njoftoi portali “Aktuale.mk”.
Lajme
Sipas burimit të njëjtë, në mesin e këtyre vizitorëve ka qenë edhe ambasadori i Kosovës në Shkup, Ylber Hysa, i cili i ka vizituar të burgosurit, në mesin e tyre edhe Sami Ukshinin-Sokolin.
Ministria e Punëve të Jashtme e Kosovës dje kishte marrë listën e qytetarëve kosovarë të arrestuar në Kumanovë. Sipas listës, janë gjithsej 23 shtetas kosovarë që janë arrestuar në incidentin e armatosur në Kumanovë të Maqedonisë.