Arrestohet për ryshfet një zyrtar i burgut të Dubravës
Policia e Kosovës ka arrestuar një person, pasi që i njëjti dyshohet për përfshirje në veprat penale ‘marrje ryshfeti dhe keqpërdorim i pozitës apo autoritetit zyrtar.
Lajme
Drejtoria për Hetimin e Krimeve Ekonomike dhe Korrupsion, gjegjësisht Sektori për Hetimin e Korrupsionit, pas ndërmarrjes se veprimeve hetimore sot ka arrestuar M.A, i lindur më 1985, shkruan lajmi.net
Sipas Policisë, i dyshuari, me pozitë pune zyrtar në Zyrën për Lirim me Kusht në Burgun e Dubravës, dyshohet se ka marre ryshfet me qëllimin që për një person të burgosur të bëjë rekomandim për lirim me kusht.
Pas intervistimit me aktvendim të prokurorit, të dyshuarit i caktohet masa e ndalimit prej 48 orësh. /Lajmi.net/