ZYRTARE: Feronikeli mëson kundërshtarin në Ligën e Kampionëve

13:15 | 11 Qershor 2019

Është hedhur shorti sot në Nyon të Zvicrës, për garën e parakualifikimeve në Ligën e Kampionëve.

Feronikeli do të përballet me skuadrën nga Gjibraltari, Lincoln Red Imps.

Në shortin e UEFA-s morën pjesë kampionët e Andorrës, Gjibraltarit, Kosovës dhe San Marinos, të cilët do të luajnë për një vend në raundin e parë të kualifikimeve.

Ndeshja ndaj Lincoln Red Imps, do të zhvillohet më 25 qershor, në stadiumin “Fadil Vokrri”, në Prishtinë.

Rrethi parakualifikues do të ketë dy gjysmëfinale:

Feronikeli (KOS) – Lincoln Red Imps (GIB)

Tre Penne (SMR) – FC Santa Coloma (AND)

Finalja do të zhvillohet më 28 qershor.

Këtë sezon të parakualifikimeve për raundin e parë të LK, të gjitha ndeshjet zhvillohen në “Fadil Vokrri”.

Tri ekipet tjera të cilat nuk arrijnë fitoren, do të transferohen në raundin e dytë kualifikues të Ligës së Evropës. /Lajmi.net/