Ferizaj ka vazhduar me rinovimin e kontratave me disa futbollistë për sezonin e ardhshëm.

Mbrojtësi Ergon Hyseni ka vazhduar kontratën me Ferizajn që tani do të drejtohet nga trajneri Ismet Munishi, shkruan lajmi.net.

Lajmi është bërë i ditur nga një njoftim i lëshuar në faqen zyrtare të Ferizajt në Facebook.

“Mbreti i ajrit e vazhdon kontratën. FC Ferizaj ju njofton se sot ka arritur marrëveshje për ta vazhduar kontratën me mbrojtësin e fuqishëm, Ergon Hysenin. E.H13 ishte pjesë e klubit në Superligë, ku u dallua për paraqitje stabile në vijën e fundit, e sidomos në ndeshjet e fundit, ku luajti i lënduar e i fashuar pas intervenimit kirurgjik” – thuhet në njoftimin zyrtar të Ferizajt.

Ferizaj ka njoftuar gjithashtu se do të vazhdojnë me prezantime të tjerë, ndërkohë që kanë bërë të ditur se drejtori sportiv, Abazi dhe trajneri Munishi janë në kontakt me disa emra të dëshmuar në futbollin e Kosovës.

Ferizaj edicionin e ardhshëm do të bëjë gara në Ligën e Parë pasi dështuan të sigurojnë ekzistencën në Superligë./Lajmi.net/