Angel Di Maria ka nënshkruar kontratë pesëvjeçare me Manchester Unitedin. Gjiganti nga Old Trafford ka njoftuar për transferimin e yllit argjentinas nga Real Madrid për 84 milionë euro.

Di Maria është shndërruar në përforcimin më të shtrenjtë në histori të futbollit anglez që deri sot i takonte sulmuesit Fernando Torres i cili iu bashkua Chelseas nga Liverpool për 50 milionë funte.

“Angel është futbollist i klasit botëror, nuk ka dyshim për talentin e tij të jashtëzakonshëm. Aftësitë e tij për driblime dhe për të mposhtur kundërshtarët janë kënaqësi për t’u shikuar. Ai është përforcim i shkëlqyeshëm”, deklaroi menaxheri i Manchester Unitedit, Louis van Gaal.