FC Prishtina ka konfirmuar se Alban Dragusha është trajneri i ri i skuadrës.

Në komunikatën e lëshuar, thuhet se 44-vjeçari vjen pas një periudhe të suksesshme tek Ramiz Sadiku, transmeton lajmi.net.

Dragusha do ta zëvendësoj Afrim Tovërlanin i cili dje dha dorëheqje pas rezultateve të dobëta.

Gjatë karrierës së tij si trajner, Dragusha ka drejtuar edhe ekipin e Vushtrrisë, ndërsa nga viti 2019 deri më 2022 ka qenë pjesë e stafit teknik si ndihmës trajner te Drita.

Ai ka ndërtuar një karrierë të pasur edhe si futbollist, duke luajtur në disa vende si Ukraina, Azerbajxhani, Suedia, Shqipëria dhe Kosova./lajmi.net/