Pas rreth 18 muajsh, francezi do të rikthehet në stadium të mërkurën ndërsa Real Madrid përballet me Barcelona në El Clasico.

Udhëtimi i parë i Zidane në Camp Nou erdhi gjatë edicionit 2015/16 pasi Los Blancos u larguan me një fitore 2-1, përcjell lajmi.net.

Kjo ishte një hakmarrje e ëmbël për humbjen 4-0 të pësuar kur në drejtim të klubit ishte Rafa Benitez në Santiago Bernabeu më herët atë sezon.

Sezonin tjetër, Sergio Ramos shpëtoi një pikë për vizitorët me një gol të vonë – kur edhe fituan titullin.

Zidane ishte nën drejtimin e Galaktikëve edhe në Superkupën e Spanjës në 2017, duke regjistruar një fitore 3-1 ndaj Barcelona në ndeshjen e parë në Camp Nou në rrugën për të fituar trofeun.

Cristiano Ronaldo dhe Gareth Bale shënuan herën e fundit që Zidane ishte në Camp Nou ndërsa Real Madrid barazoi 2-2.

Zidane u tërhoq nga posti i tij si fitues i trefishtë i Ligës së Kampionëve dhe tani kthehet në Barcelonë për të ndryshuar dëmin e bërë gjatë humbjes 5-1 të sezonit të kaluar në mungesë të tij. /Lajmi.net/