Deputeti i Lidhjes Demokratike të Kosovës, Armend Zemaj, ka reaguar sot pas raportimeve se ishte përfshirë në një përleshje fizike me një qytetar në qendër të Prishtinës.

Përmes një postimi në rrjetet sociale, Zemaj ka shprehur keqardhjen e tij për ngjarjen, duke theksuar se reagimi i tij ishte në afekt dhe nuk përfaqëson bindjet e tij personale apo parimet që përfaqëson si deputet dhe anëtar i LDK-së, transmeton lajmi.net.

“Një qytetar, nuk e di a ishte e rastit apo me qëllim të caktuar, më ofendoi dhe më provokoi verbalisht me fjalë të papranueshme, para medias. Në atë moment reagova në mënyrë të vetëmbrojtjes në afekt, gjë e cila nuk përfaqëson as bindjet e mia personale, as parimet që unë përfaqësoj,” shkruan Zemaj.

Ai ka theksuar se dhuna në çfarëdo forme nuk është përgjigje e drejtë dhe për këtë veprim ka kërkuar falje publike. Deputeti ka shtuar se kjo ngjarje do t’i shërbejë si mësim për të qenë më i durueshëm dhe më i përmbajtur në çdo situatë.

Postimi i plotë: