Oficerët doganorë dhe Policia e Kosovës kanë parandaluar një rast të kontrabandës së fishekëve gjatë patrullimit në rajonin e Vitomiricës, në fshatin Cerkolez.

Ata kanë ndaluar një automjet të llojit Passat për një kontroll rutinore.

“Gjatë kontrollit Njësitet Doganore kanë zbuluar sasi të fishekëve rreth 75 copë. Menjëherë pas zbulimit Oficerët i kanë konfiskuar fishekët, dhe ua  kanë dorëzuar Policisë së Kosovës”, thuhet në njoftimin e Doganës së Kosovës.

“Me këtë rast personi në fjalë ka shkaktuar vepër penale, ndërsa rasti i është dorëzuar Policisë Kufitare për procedurë të mëtutjeshme”, thotë Dogana.