Një person është raportuar në Polici për dërgimin e mesazheve me përmbajtje kërcënuese ndaj disa viktimave në Vushtrri.

Sipas raportit 24-orësh të Policisë së Kosovës, rasti ka ndodhur më 21 gusht, rreth orës 18:40.

Palët janë shoqëruar në stacion policor, ndërsa pas inicimit të rastit, viktima ka kërkuar urdhër mbrojtës.

I dyshuari, shtetas kosovar, është intervistuar nga policia dhe më pas, me vendim të prokurorit, është liruar në procedurë të rregullt.

Rasti vazhdon të trajtohet nga organet kompetente. /Lajmi.net/