Volkswagen planifikon të shesë rivalin e TESLA-s për vetëm 23,000 dollarë

Kompania "Volkswagen" synon të shesë makina elektrike për më pak se 20,000 euro dhe të luftojë konkurrencën duke konvertuar tre fabrika për të ndërtuar makinat “Tesla”.

Auto & Tek

09/11/2018 10:43

VW dhe prodhuesit e tjerë të makinave po përpiqen të përshtaten më shpejt me rregullat e rrepta të futura pasi prodhuesi i makinave u zbulua të ketë mashtruar testet e emisioneve të naftës, ndërsa shefi ekzekutiv Herbert Diess paralajmëroi muajin e kaluar se industria automobilistike e Gjermanisë përballet me falimentim.

Planet për makinën elektrike VW, me një vëllim të prodhimit prej 200,000 automjetesh, do të diskutohen në një takim të bordit mbikëqyrës më 16 nëntor, tha një burim për The Reuters, transmeton lajmi.net.

Prodhuesi i makinave me bazë në Wolfsburg, i cili nuk pranoi të komentojë mbi planet, pritet të diskutojë për aleanca të gjera me prodhuesin e qelizave të baterive “SK Innovation” (096770.KS) dhe rivalin Ford (F.N), sipas burimit të Reuters.

Zhvendosja e strategjisë së VW vjen pasi qytezat fillojnë të ndalojnë automjetet me motor nafte, duke i detyruar prodhuesit e makinave të mendojnë për mënyra të reja për të mbrojtur 600,000 punë industriale gjermane, nga të cilat 436,000 janë në kompanitë e makinave dhe furnizuesit e tyre.

Për të çliruar kapacitetin e prodhimit për makinat elektrike në Hannover, furgonat transportues të VW mund të prodhoheshin në një fabrikë Ford (F.N) në Turqi, shtoi burimi./Lajmi.net/