Të Infektuar: 2991

Të Shëruar: 1644

Të Vdekur: 54

Video e re tregon momentin kur Floyd u rrah nga policia pak para se të vdiste

21:15 | 31 Maj 2020

Pamjet e reja duket se tregojnë George Floyd në një “luftë” të dhunshme me policët ndërsa ishte brenda një makine të policisë, para se të vdiste.

Video e postuar të shtunën nga Shaun King – tregon një oficer të Minneapolis, i cili dukej se po luftonte me Floyd, pas arrestimit të tij, arrestim i cili ndodhi për arsye se Floyd kishte tentuar të blinte diçka me para false.

Derek Chauvin – oficeri i akuzuar për vrasje, është parë duke shkuar në anën e djathtë të makinës.

Ky ishte vendi ku Floyd, 46-vjeç, përfundimisht u lidh dhe humbi jetën, gjë që ka ngjallur protesta në të gjithë SHBA-të.

Të katër oficerët e Minneapolis u pushuan nga puna, transmeton Telegrafi.

Chauvin – i cili ishte përfshirë në tre të shtëna me armë gjatë 19 viteve të tij në punë – u arrestua dhe u akuzua për vrasje të shkallës së tretë dhe vrasje të shkallës së dytë.