Kjo ftesë e Veselit vije pas tryezës së përbashkët të LDK-së e cila mblodhi të gjithë spektrin politik të Kosovës, shkruan lajmi.net.

Mirëpo, nga partitë opozitare ende nuk është konfirmuar pjesëmarrja në këtë tryezë diskutimi.

Sekretari i përgjithshëm i LDK-së, Ismet Beqiri, kishte deklaruar për lajmi.net se në parim, LDK-ja është pro pjesëmarrjes në takime ku diskutohet për interesin nacional, mirëpo partia e tij kërkon që temë e këtyre diskutimeve të jetë edhe data e zgjedhjeve të parakohshme.

“Natyrisht se në parim jemi që të marrim pjesë në takime ku diskutohet për tema të interesit nacional, pasi edhe vet kemi iniciuar takime të tilla, por lidhur me ftesën e Veselit, opinioni do të njoftohet në ditët në vazhdim. LDK kërkon që temë e këtyre diskutimeve të jetë dhe data e zgjedhjeve të parakohshme”, kishte deklaruar Beqiri për lajmi.net.

E nga ana tjetër, deputeti nga rradhët e Vetëvendosjes, Ismajl Kurteshi, tha sot për lajmi.net se ende nuk është marrë vendim nëse ata do të marrin pjesë në këtë tryezë apo jo.

“Nuk kemi marrë ende vendim”, deklaroi shkurt Kurteshi për lajmi.net.

Tryeza e ftuar nga PDK-ja do të mbahet gjatë ditës së nesërme me fillim nga ora 13:00./Lajmi.net/