Ambasada e Gjermanisë në Kosovë ka njoftuar se ka vdekur Hisen Jakupi, anëtar i stafit të tyre.

Në njoftimin e ambasadës gjermane thuhet se Jakupi vdiq pas një sëmundjeje të shkurtër dhe të rëndë.

“Ne kemi humbur jo vetëm një anëtar të përkushtuar të ekipit tonë, por edhe një koleg të mirë dhe të dashur”, thuhet në reagimin e ambasadës.

Tutje, ata thanë se ngrohtësia, profesionalizmi dhe përkushtimi i palodhshëm i Hisenit do të mbeten në zemrat e tyre dhe se i qëndrojnë krah familjes së tij në këtë kohë të vështirë.