Ka vdekur ish-luftëtari i Ushtrisë Çlirimtare të Kosovës, Haki Limani, i njohur si komandant “Plaki”.

Bëhet e ditur se varrimi i të ndjerit do të bëhet nesër në Varrezat e Veteranëve në Kompleksin Memorial në Koshare.

Lajmin e kanë bërë të ditur bashkëluftëtari i tij, Rrustem Berisha.

“Me dhimbje të thellë ju njoftojmë se ka ndërruar jetë bashkëluftetari ynë nga Ferizaj, Haki Limani- Komandant “Plaki”. Komandant Plakin, e njoha në ditët e lavdisë së luftës sonë çlirimtare kur ai bashkë me djalin e tij Arbenin, ju bashkuan Brigadës 138 “Agim Ramadani” të UÇK-së.  Haki Limani – Komandant Plaki, gjatë Epopesë së Koshares asnjëherë nuk e hoqi plisin e bardhë nga koka, duke qenë shembull i dashurisë për atdheun dhe luftëtar i paepur për liri”, ka bërë të ditur Berisha.