Vajzat me buzë të holla nuk duhet t’i bëjnë kurrë këto 3 gabime

Pa nevojën e shiringave apo botoksit, më poshtë do t’ju tregojmë disa truke natyrale dhe gabimet që duhet të shmangni kur keni buzë të holla.

Lifestyle

22/07/2021 15:56

Thuhet se natyraliteti mbivlerësohet, por ne nuk mendojmë kështu! Dëshira për të pasur buzë më të trasha, vetulla të plota, flokë të gjatë, forma të lakuara etj na shtyn drejt ndërhyrjeve estetike, deri në atë pikë sa mund të vendosim shëndetin në rrezik.

E nëse nuk i nënshtrohemi operacioneve plastike, bëjmë ç’është e mundur që në mënyra të tjera të ndryshojmë sado pak pamjen tonë të jashtme.

Pa nevojën e shiringave apo botoksit, më poshtë do t’ju tregojmë disa truke natyrale dhe gabimet që duhet të shmangni kur keni buzë të holla.

Mos përdorni buzëkuqe me ngjyrë të errët

Nuancat e forta kanë tendencë të tërheqin vëmendje dhe kështu buzët e holla do të jenë tipari që theksohet më shumë në fytyrën tuaj, atëherë kur nuk duhet të jetë. Në vend të kuqes së gjakut apo kafes së errët përdorni buzëkuqët nude apo rozë. Lyeni konturin, ndoshta duke dalë pak nga vija me një laps që i përafrohet ngjyrës së buzëkuqit e më pas lyejini me buzëkuq. Ky i fundit do i lërë buzët tuaja të buta e të hidratuara, në ndryshim nga lapsi.

Kini kujdes me shkëlqyesit

Buzët e holla nuk mund të lyhen me shkëlqyes si buzët e trasha, pasi  efekti thjesht nuk do të jetë i njëjtë. Aplikoni shkëlqyesin  në qendër të buzëve tuaja të sipërme dhe të poshtme, pasi kjo do të pasqyrojë dritën dhe do t’u japë atyre një efekt 3-D.

Le të jenë sytë qendra e vëmendjes

Duke qenë se  buzët e holla nuk duhen lyer asnjëherë me ngjyra të forta, nuk do të jetë asnjëherë e tepërt nëse guxoni me sytë. Përdorni pluhura, ngjyra, penel për të realizuar një look që tërheq jo pak vëmendje. /Lajmi.net/