Gjtë këtyre takimeve Mustafa ka marr mbështetjen nga dy ministrat për përkrahje të Kosovës, në proceset integruese dhe bashkëpunimit në fusha të ndryshme.

Ministri i Punëve të Jashtme i Maltës, George William Vella, ka vlerësuar progresin në Kosovë, duke shprehur përkrahjen e Maltës për zhvillimin ekonomik, integrime evropiane dhe proceset tjera të Kosovës.

” Ministri Vella, po ashtu, theksoi përkushtimin e Qeverisë së Maltës për thellimin e  bashkëpunimit dhe të shkëmbimeve me Kosovën”.

” Ndërkaq, zëvendësministri i Jashtëm dhe Tregtisë i Hungarisë, Laszlo Szabo, duke vlerësuar të arriturat në Kosovë, theksoi gatishmërinë për të ndihmuar Kosovën në rrugën eurointegruese, përmes ofrimit të përvojave të Hungarisë”, thuhet në komunikatë.

Ndërsa, kryeministri Isa Mustafa gjatë takimeve i njoftoi për progresin në Kosovë dhe prioritetet e Qeverisë për zhvillim ekonomik dhe integrime evropiane.

Sipas komunikatës Mustafa, duke e falënderuar për përkrahjen e Maltës dhe të Hungarisë, shprehu përkushtimin e Qeverisë së Kosovës për vazhdimin e bashkëpunimit bilateral me këto dy shtete mike, në të gjitha fushat.

Gjatë takimit me zëvendësministrin Szabo, ku ishte i pranishëm edhe zëvendëskryeministri i parë,  njëherësh ministër i Jashtëm, Hashim Thaçi, një theks i posaçëm iu kushtua mundësive të thellimit të bashkëpunimit ekonomik dhe investimeve hungareze në Kosovë.