Max Verstappen ia ka mohuar fitoren edhe një herë pilotit britanik, Lewis Hamilton.

Ylli holandez i Red Bull, Max Verstappen ka marrë një tjetër fitore në Formula 1 këtë edicion, tashmë si kampion i konfirmuar, shkruan lajmi.net.

Kampioni arriti të dilte më i shpejti në garën e zhvilluar në Amerikë, përkundër faktit se pati një problem në pit-stop.

Garë të mrekullueshme bëri Lewis Hamilton, i cili pesë xhiro para fundit ishte lider, megjithatë humbi pozitën e parë në garë me Verstappen.

Gara shkoi ngushtë deri në fund, duke bërë që edhe Verstappen edhe Hamilton të kishin tri dalje nga trajektorja e lejuar – pra një larg penalltisë.

Megjithatë, jo shumë ndryshoi deri në fund, me Verstappen që e mbylli garën në pozitën e parë, kurse Hamilton në të dytin.

Podiumin e kompletoi Charles Leclerc i Ferrari, kurse Perez e Russell ishin në pozitat katër e pesë. /Lajmi.net/