Ka filluar seanca e parë gjyqësore kundër Ukë Rugovës dhe të akuzuarve të tjerë.

Të përcjellë nga pjesëtarë të EUEX’it, të akuzuarit janë futur në objektin e Kinemasë ABC1, ku do të mbahet edhe seanca.

Kjo është hera e parë që Ukë Rugova dhe 9 të dyshuarit të tjerë dalin para trupit gjykues i cili përbëhet nga ndërkombëtarë dhe vendorë.

Ukë Rugova dhe 9 persona të tjerë akuzohen se kanë bërë keqpërdorime me Viza Schengen të shtetit të Italisë për qytetarë të Kosovës.

Avokati i Ukë Rugovës, Bajram Tmava, ka thënë se pas bastisjes që kanë bërë forca të EULEX’it në rezidencën e të Presidentit të ndjerë Ibrahim Rugova, nuk është gjetur asnjë dëshmi apo provë për akuzat e ngritura.