Kandidati i LDK-së për kryeministër, Lumir Abdixhiku, ka ndarë një premtim të cilin e kishte bërë kryeministri Albin Kurti, në lidhje me sigurimin shëndetësorë e jetësor të policëve të Kosovës.

“U tha se policët do ta kenë sigurimin jetësor e shëndetësor – s’u bë as minimumi që ata ta kenë këtë siguri bazike. Ata meritojnë më mirë! Ndryshimi po vjen!”, shkroi kreu i LDK-së.

Përmes videos së publikuar nga Abdixhiku, Kurti shihet teksa thotë se Policia Meriton sigurim jetësor e shëndetësorë, transmeton lajmi.net.

“Njëjtë sikurse Policia e Kosovës që na japin neve siguri, edhe ne duhet t’u japim zyrtarëve policor sigurimin jetësor e shëndetësor, si një e drejtë e garantuar për punën e tyre të rëndësishme, por edhe nën rrezik”, dëgjohet teksa thotë Kurti në video.

LDK në vazhdën e fushatës elektorale që ka nisur tashmë në fillim të videos shkruan “U tha”, e në fund thotë se “S’u bë”./Lajmi.net/