Këtë raport, ish-kryeministri Haradinaj e ka quajtur “mit”, derisa përfshirjen e emrit të tij në këtë raport, ai e ka ndërlidhur me zëdhënësin e Qeverisë, Përparim Kryeziun.

“Nganjëherë këto mitet e të kaluarës po jetojnë më gjatë. Dikur ka pasur këso mite për rolin e një lideri. Këtë fuqi kanë këto mite. Ne jetojmë sot në një shtet ligjor, edhe angazhimi im është për Ligjin në Kosovës. Nuk e kam ditë, masanej e kam kuptuar masi e kam bërë edhe reagimin. Partnerët lokal i kishin do kompani që ishin të Qeverisë, zëdhënësit të Qeverisë me gjasë po ia jepke dikush këto info. Dikush i nxjerri këto, dhe u thojke që zëdhënësi i Kurtit, Përparim Kryeziu, por këto sqarohen”, u shpreh Haradinaj mbrëmë në kanal10.

“Këto më ngjasojnë me mitet e kaluara kur u atribuojshin situata të tilla. Pra, unë qe një kohë s’jam në pushtet që një kohë, opozitarët e kanë pak ma të vështirë me pasë rolë të tillë ashtu siç po thonë. Frikësohem që Kosova vërtetë do ta ketë një epitet të tillë, në shumë raporte jo vetëm këtë, për shkak të qasjes që ka kjo Qeveri. Institucionet relevante të drejtësisë, sigurisë e ligjit e dinë të vërtetët për mua në çdo situatë”, ka shtuar më tej Haradinaj.

Ish-presidenti Hashim Thaçi dhe ish-kryeministri i Kosovës Ramush Haradinaj, janë përmendur si figura të lidhura me krimin dhe korrupsionin në Kosovë në raportin e fundit të publikuar nga Freedom House.