Arda Turan është në pritje të debutimit me Barcelonën, menjëherë pasi të hyjmë në vitin 2016.

Por, ai duhet të pres edhe më gjatë për të bërë paraqitjen e parë me gjigantin katalan në Ligën e Kampionëve.

E përditshmja sportive katalane “Mundo Deportivo” ka bërë të ditur se Turan është i suspenduar nga koha kur ishte pjesë e Atletico Madridit dhe nuk do të jetë në dispozicion të Barcelonës për duelin e parë të vitit 2016 në Ligën e Kampionëve, përcjell “Lajmi.net”.

Faza e dytë e garës elite evropiane për klube do të fillojë më 16-17 shkurt dhe 23/24 shkurt.