Tuneli i Llogarasë në Shqipëri i cili u hap në korrik të këtij viti, do të jetë i hapur për qarkullim të automjeteve deri në fund të tetorit.

Burime zyrtare nga Autoriteti Rrugor bënë me dije se nga 1 nëntori, mjetet do të lëvizin vetëm nga Qafa e Llogarasë, raporton Vizionplus.tv.

Për tre muaj në këtë tunel kanë kaluar 715 mijë automjete, tregojnë të dhënat.

Sikurse ishte thënë edhe më herët, tuneli do të ishte i hapur vetëm gjatë sezonit veror, për t’i dhënë një shfryrje trafikut drejt plazheve të jugut.

Punimet në tunel nuk konsiderohen të përfunduara, ndërsa afati final sipas kontratës është muaji dhjetor. Ndërsa nga viti tjetër, lëvizja do të jetë me pagesë, 5 euro për një kalim.