Presidenti amerikan Donald Trump ofroi disa këshilla për homologun e tij francez Emmanuel Macron pasi ky i fundit u pa në një video duke u shtyrë nga bashkëshortja e tij në aeroplan.

Trump minimizoi incidentin kur u pyet për të gjatë një ngjarjeje sot në Zyrën Ovale.

“Sigurohu që dera të mbetet e mbyllur. Edhe ai është mirë. Ata janë mirë. Ata janë dy njerëz vërtet të mirë që i njoh shumë mirë”, tha Trump.

Presidenti Macron i quajti spekulimet mbi incidentin me gruan e tij Brigitte “të pakuptimta”, duke thënë se kjo tregonte çiftin “duke bërë shaka”.

Video-klipi është realizuar pasi çifti zbarkoi në Hanoj – Vietnam, si pjesë e turneut të tyre në Azinë Juglindore.