Tre persona kanë pësuar lëndime trupore si pasojë e një aksidenti në rrugën Fushë Kosovë-Prishtinë.

Zëdhënësja e Policisë së Kosovës në Prishtinë, Flora Ahmeti ka thënë për lajmi.net se në këtë aksident janë përfshirë tre automjete.

“Sot rreth orës 12:30 kemi pranuar informatën se në rrugën Fushë Kosovë- Prishtinë ka ndodhur një aksident trafiku. Në këtë aksident kanë qenë të përfshira tri automjete. Si pasojë e aksidentit lëndime trupore kanë pësuar 3 persona si dhe janë shkaktuar dëme materiale. Me rastin po merret njësiti i trafikut”, ka thënë Ahmeti. /Lajmi.net/