Mesfushori i Manchester Cityt, Yaya Toure insiston se ai është keqkuptuar, kur ka folur për idenë që t’i bashkohet Paris Saint-Germainit.

Përfaqësuesi i Bregut të Fildishtë thotë se do të ishte nder të luajë për kampionin francez, pasi e ardhmja e tij në Etihad Stadium është në dyshim të madh, pasi e ka paralajmëruar largimin.

“Mediat e dredhuan atë që kam thënë. Për momentin, nuk ka asgjë të planifikuar. Shumë gjëra janë thënë, të cilat më kanë nervozuar”, deklaroi Toure për RFI, i cili ka sqaruar se do të vendos për të ardhmen pas Botërorit.

“Nuk dua të ngutem. Unë vetëm kam thënë se më pëlqen që jam lojtar i pëlqyer nga ekipet tjera dhe se do të ishte nder të luaj për PSG-në”, përfundoi Toure, i cili po mendon veç për Botëror.