Përkundër fitores 3:1 të mërkurën mbrëma, në ndeshjen e parë çerekfinale të Ligës së Kampionëve, Thiago Motta nuk mendon se Paris Saint-Germaini është favorit, para ndeshjes së kthimit.

“E kemi nxjerrë një barazim të mirë, por kanë për t’u luajtur edhe 90 minuta. Chelsea mbetet favorit për të kaluar tutje”, deklaroi fillimisht mesfushori brazilian.

“Blues kanë shumë eksperiencë dhe do të luajnë në fushën e tyre. Në Stamford Bridge do të jetë një betejë”, vazhdoi ish futbollisti i Barcelonës dhe Interit.

PSG do të udhëtojë drejt Anglisë pa sulmuesin kryesor, Zlatan Ibrahimovic, në kërkim të gjysmëfinales së këtij evenimenti, me një kapital prej dy golash, të arritur nga ndeshja e parë.