Një tërmet me magnitudë 5 ballë sipas shkallës Rihter goditi sot Detin Marmara të Turqisë, njoftuan autoritetet.

Epiqendra e tërmetit ishte në brigjet e qytetit Marmaraereglisi në provincën veriperëndimore të Tekirdagut në orën 14:55 sipas orës lokale.

Tërmeti ndodhi në thellësi prej 6.71 kilometrash, njoftoi Autoriteti i Menaxhimit të Fatkeqësive dhe Emergjencave të Turqisë (AFAD).

Guvernatori i Stambollit, Ali Yerlikaya, tha se deri më tani nuk ka pasur raportime për dëme në Stamboll.

Deti Marmara lidh detet Egje dhe të Zi.