Turqia u trondit të dielën në mbrëmje nga një tërmet me magnitudë 6.1.

Sipas Agjencisë së Menaxhimit të Fatkeqësive dhe Emergjencave, tërmeti ishte i përqendruar në rrethin Sindirgi të provincës Balikesir, në Turqinë perëndimore, në një thellësi prej 11 kilometrash.

Ali Yerlikaya, ministri i Brendshëm i Turqisë, tha se në vlerësimet paraprake, nuk ishin raportuar viktima, por një ndërtesë u shemb në Sindirgi, raporton Anadollu.