Sipas Reuters, dy prej viktimave janë identifikuar nga dëshmitarët, një prindi i një nxënësi dhe një mësues e Biologjisë, transmeton lajmi.net.

Ndërsa gjashtë persona të tjerë kanë humbën jetën kur një minibus u godit në anën tjetër të qytetit Donetsk.

Shkolla që u granatua është katër kilometra nga aeroporti i Donetskut, ku rebelët prorusë që prej 24 orëve po përleshen me trupat qeveritare.  

Armëpushimi i brishtë i vendosur në Ukrainë lindore që nga 5 shtatori, tashmë pothuajse më nuk vlen.

Të dyja palët fajësuan tjetrin për sulme të mërkurës, ndërsa hedhja e predhës në shkollë, për çka askush nuk e ka marrë përgjegjësinë, ka tensionuar situatën në rajon, ku që prej muajit prill janë vrarë gati 2000 persona.

Konflikti i hapur filloi pasi Rusia aneksoi gadishullin e Krimesë nga Ukraina, ndërsa separatistëve pro-rusë pastaj, të nxitur nga Moska zyrtare, shpallën pavarësinë në të dy rajonet lindore ukrainase, në Donetsk dhe Luhansk.

Reporteri James Coomarasamy i BBC-së, i cili vizitoi disa shkolla në Donetsk, ka thënë se shumë pak nxënës janë parë të shkojnë në mësim, të frikësuar nga jehona e vazhdueshme e artilerisë që dëgjohej përreth qytetit.