Një person është plagosur sot si pasojë e të shtënave me armë zjarri në fshatin Shirokë.

Lajmi është raportuar fillimisht nga portali lokal “Suhareka Online”.

Redaksia e lajmi.net ka kontaktuar Policinë e Kosovës për të marrë konfirmim apo detaje shtesë rreth ngjarjes, por deri në këto momente nuk është marrë asnjë përgjigje zyrtare.

Autoritetet lokale pritet të ndërmarrin hetime për zbardhjen e shkaqeve dhe identifikimin e autorëve. Në vijim pritet të bëhet e ditur gjendja shëndetësore e të plagosurit dhe çdo informacion tjetër zyrtar./lajmi.net/