Roma ka insistuar se Mehdi Benatia nuk do të largohet, por klubet e mëdha evropiane po luftojnë për ta bërë të vetin futbollistin, për të cilin interesim ka shprehur edhe Bayern Munichu.

Mbrojtësi ishte në qendër të spekulimeve gjatë tërë verës, ndërsa kontrata e tij me Giallorossi skadon vetëm pas një viti.

Sky Sports njofton se Benatia ishte i gatshëm të fluturonte drejt Manchesterit, për ta kompletuar lëvizjen për 30 milionë euro.

Chelsea po ashtu e ka bërë gati një shumë të përafërt me atë të rivalit anglez, ndërsa drejtori i Bayern Munichut, Michael Reschke ka shkuar në Itali për t’i avancuar negociatat me Romën.

Në ditët në vazhdim do të vendoset përfundimisht për të ardhmen e futbollistit.