LDK e AKR pritet që të takohen të martën (sot) në restauranton “Rings” në Prishtinë, për të caktuar disa modalitete që mund të çojnë në koalicion qeverisës në periudhën pas zgjedhjeve.

Burimet e “Zërit” konfirmojnë se këtij takimi pritet t’i bashkohen edhe dy parti opozitre, “Nisma për Kosovë” dhe AAK-ja.

Vet, lideri i AKR-së, Behgjet Pacolli ka pranuar përafrimin e programave mes AKR-së dhe LDK-së, por se ka thënë marrëveshje për bashkëqeverisje në mes të këtyre dy partive ende nuk ka, sepse pret që të shikohet fuqia e gjithsecilit pas 8 qershorit.

“Gjithcka do të varet nga fuqia politike që do të fitojmë në zgjedhjet parlamentare të 8 qershorit. Ne jemi takuar me Mustafën dhe jemi pajtuar që programet tona partiake janë të përafërta, por që nuk ka ndonjë marrëveshje për bashkëqeverisje pas zgjedhjeve. Pra, gjithçka ka mbetur e hapur, pasi që përcaktues edhe për koalicionin do të jetë rezultati i zgjedhjeve”, ka thënë ai për “Zëri”.

Ndërkaq, afrimin në mes Mustafës dhe Pacollit, për nënkryetaren e LDK-së, Teuta Sahatqiu është sinjal i qartë për një koalicion pas zgjedhjeve.

“LDK-ja dhe AKR-ja do të bëjnë koalicion pas zgjedhor për formimin e qeverisë. Kjo nuk është ndonjë fshehtësi dhe ne presim që pas 8 qershorit ta kemi partner të koalicionit AKR-në”.