Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj, ka reaguar pas sulmit të sotëm në New Orleans të ShBA-ve.

Haradinaj ka thënë se populli i Kosovës solidarizohet me ShBA-të në këto momente të trishtushme.

“I trishtuar thellësisht nga sulmi i tmerrshëm në New Orleans. Lutjet dhe mendimet tona më të sinqerta janë për viktimat, familjet e tyre dhe mbarë popullin amerikan. Populli i Kosovës solidarizohet me Shtetet e Bashkuara të Amerikës në këto momente të trishtushme”, është shprehur Haradinaj.