I dërguari i posaçëm i Bashkimit Europian për dialogun, Peter Sorensen ka njoftuar për takimin që e pati sot në Bruksel me zëvendëskryeministrin në detyrë të Kosovës, Besnik Bislimi.

Sorensen shkroi në X se takimi me Bislimin u zhvillua “në kuadër të përgatitjeve për një takim trepalësh” sot, i cili nuk u zhvillua.

Tutje ai tha se diskutuan shumë çështje, ndërsa paralajmëroi një takim trepalësh “së shprejti”.

“Prita Kryenegociatorin e Kosovës Besnik Bislimi për një takim në kuadër të përgatitjeve për një takim trepalësh të Dialogut në Bruksel sot. Diskutuam për një gamë të gjerë çështjesh të rëndësishme për normalizimin e marrëdhënieve me Serbinë. Planifikojmë të organizojmë së shpejti një takim trepalësh”, shkroi Sorensen.

Hosted the Kosovo Chief Negotiator @BislimiBesnik for a meeting in preparation of a trilateral Dialogue meeting in Brussels today. Discussed a wide range of issues important for the normalisation of relations with Serbia. Plan to host a trilateral meeting soon. pic.twitter.com/zTgggMpEWS

— EUSR for Belgrade-Pristina Dialogue (@EUSR_Dialogue) June 2, 2025