Sonte do të zhvillohet spektakli i boksit “Night of the Champions” në qytetin e Tetovës.

Turneu që organizohet nga Halim Abazi dhe Bekim Hoxhaj do të ketë në program 15 duele të boksit profesionist, ku në mesin e tyre do të performojnë yje të këtij sporti si Senad Gashi, kampionia e botës në konkurencë të femrave, Elif Nur Turhan nga Turqia, shqiptarët Lulzim Ismaili, Ali Azemi, Benjamin Imeri e Jasin Lama.

Luftat më interesante do të jenë ato ndërmjet Nelson Hysa – Markos Aumada, Ismaili – Maksimiliano Morela, Nur Turhan – Matjes si dhe Senad Gashi që do të luftojë për titullin WBC.

Spekakli i boksit do të zhvillohet sonte në sheshin “Iliria” në Tetovë.