Skuadra e Superligës së Kosovës, Ballkani sonte luan ndeshjen e parë të sezonit të ri në para-kualifikimet e UEFA Champions League.

Si kundërshtar, klubi i Ilir Dajës do ta ketë kampionin e Bullgarisë, Ludogorets Razgrad, shkruan Lajmi.net

Në sajtin e njohur “Transfermarkt”, skuadra bullgare ka një vlerë prej 40.3 milionë euro, sigurisht që dukshëm më të madhe se kundërshtari i tyre nga Kosova.

Futbollisti më i shtrenjtë te skuadra nga Bullgaria, është Bernard Tekpetey, që dikur ka luajtur edhe për ekipin nga Bundesliga, Schalke. Vlera e tij është 5 milionë euro.

Lojtari i dytë me vlerën më të madhe është bullgari, Kiril Despodov. Vlera e tij është 4.5 milionë euro.

Kujtojmë që vlera totale e Ballkanit në sajtin e njohur është 4.6 milionë euro.

Ndeshja sonte zhvillohet nga ora 20 e 45 në stadiumin “Fadil Vokrri” në Prishtinë./Lajmi.net/