“S’ka fitues të qartë të zgjedhjeve” Instituti gjerman me opsione për krijimin e Qeverisë, s’përjashtohet mundësia e zgjedhjeve të reja
Instituti gjerman “Konrad Adenauer Stiftung” ka publikuar një analizë për rezultatin e zgjedhjeve të 9 shkurtit dhe për opsionet rreth krijimit të Qeverisë së re. KAS shkruan se zgjedhjet s’kanë prodhuar një fitues të qartë dhe se formimi i Qeverisë së re do të jetë një çështje e komplikuar. Ndonëse janë zgjedhjet e para që…
Lajme
Instituti gjerman “Konrad Adenauer Stiftung” ka publikuar një analizë për rezultatin e zgjedhjeve të 9 shkurtit dhe për opsionet rreth krijimit të Qeverisë së re. KAS shkruan se zgjedhjet s’kanë prodhuar një fitues të qartë dhe se formimi i Qeverisë së re do të jetë një çështje e komplikuar.
Ndonëse janë zgjedhjet e para që mbahen në afat të rregullt kohor, rezultati i tyre pa një fitues të qartë, sipas KAS, mund të çojë në një tjetër fazë të jostabilitetit politik me zgjedhje të parakohshme.
Në këtë analizë thuhet se Kurtit pavarësisht rezultatit të marrë, do t’i duhet një parti për koalicion për të krijuar qeverinë er e.
“Edhe pse nacionalisti i majtë i kryeministrit Albin Kurti, Vetëvendosje ishte partia më e fortë, me të gjitha gjasat do t’i duhet një partner për të formuar një qeveri”, thuhet në këtë analizë të KAS.
Konrad Adenauer Stiftung ndërkohë s’ka përjashtuar edhe mundësinë që një koalicion qeverisë kundër Kurtit nga tri partitë opozitare.
“Të dyja opsionet do të përballeshin me sfida politike, pasi zgjedhjet vendore që do të mbahen në vjeshtë dhe zgjedhjet presidenciale që do të mbahen në mars 2026 janë pika e thyerjes politike për një qeveri të ardhshme”, thuhet në analizë.
“Partitë opozitare PDK, LDK dhe AAK, të cilat dominuan politikën nga pavarësia deri në vitin 2021, nuk ishin në gjendje të konkurronin me Kurtin, i cili padyshim është mjeshtër i përdorimit të aftësive të tij populiste dhe karizmatike, me agjendat e tyre të fokusuara në aleatët perëndimorë, ekonominë, sundimin e ligjit dhe, në disa raste, nacionalizmin e sheshtë.”
