Si të parandaloni mjegullimin e syzeve teksa mbani maskë

Njerëzit me shikim të përsosur mund të mos jenë të vetëdijshëm për problemet kur vendosin një maskë dhe syze në fytyrë.

Lifestyle

22/09/2020 19:48

Mjegulla dhe avulli ndërhyjnë kaq shumë në funksionimin normal dhe shikimin, dhe Gordon Kyle, një optik në Mbretërinë e Bashkuar, vendosi t’i japë fund kësaj duke përshkruar disa hapa që mund t’ju ndihmojnë të parandaloni problemin, shkruan kp, transmeton lajmi.net.

Së pari, ai rekomandon të mbani syze në majë të maskës, e cila do të krijojë një lloj vule, duke e mbajtur maskën të vendosur në fytyrën tuaj, që do të thotë se do të dalë më pak ajër përmes majës së maskës.

Më tej, Gordon sugjeron të mbuloni pjesën e sipërme të maskës përpara se ta vendosni në fytyrën tuaj, e cila parandalon plotësisht mjegullimin e syzeve.

Si përfundim, ai shprehet se mund të bëni dy nyje në shiritat që mbajnë maskën tuaj, kështu që mund të përpiqeni ta afroni atë në fytyrë, në mënyrë që ajri i ngrohtë të mos dalë prej saj.

Përveç kësaj, një mashtrim tjetër që mund të përpiqeni të bëni është të lani syzet me sapun. Grimcat prej saj në sipërfaqen e syzeve krijojnë një shtresë të hollë që e bën të vështirë kondensimin e avullit, dhe megjithëse kjo metodë mund të mos jetë praktike për ju gjatë ditës, mund ta provoni para se të dilni nga shtëpia në mëngjes.

Për më tepër, në dyqane, mund të provoni produkte të ndryshme kundër mjegullës për syze noti, dhe një trik i mirë është të lani syzet me ndihmën e kremit për rruajtje, sipas Mystical Raven. /Lajmi.net/