ShSKUK: 86 pacientë me COVID-19 janë në oksigjenoterapi

Lajme

23/02/2022 09:41

Nga raportet e datës 23 shkurt 2022 nga klinikat Covid-19 dhe spitalet e përgjithshme në trajtim mjekësor nga Covid-19 janë 99 pacientë.

92 nga ta të konfirmuar me Covid-19 pozitivë dhe 7 të tjerë të negativizuar. Shërbimi Spitalor Klinik Universitar i Kosovës (ShSKUK) ka njoftuar se 86 pacientë janë me oksigjeno-terapi, 7 pacientë në Mjekim Intensiv.

Raporti sipas klinikave dhe spitaleve të përgjithshme, në klinikën Infektive po trajtohen 47 pacientë.

Klinika e Pediatrisë po trajton dy pacientë të infektuar nga COVID-19, kurse ajo e Gjinekologjisë, vetëm një.

Spitali më i ngarkuar me pacientë të infektuar nga Coronavirusi është ai i Gjilanit, me gjithsejtë 11 të hospitalizuar.

Spitali i Prizrenit, ai i Gjakovës dhe Ferizajt, kanë numrin e njëjtë të pacientëve të shtrirë nga COVID-19, me gjithsejtë nga nëntë pacientë.

Teksa në spitalin e Mitrovicës po trajtohen tre pacientë, spitali i Pejës dhe ai i Vushtrrisë kanë vetëm nga një pacient.