Shpërthimi ka ndodhur në katin përdhes të banesës dhe përveq dëmeve materiale nuk ka pasur të lënduar.

Policia dhe zjarrfikësit kanë arritur me kohë në vendin e ngjarjes, duke reaguar në shuarjen e zjarrit.

Rrustem Uka, zëdhënës ndërrimi i zjarrfikësve të Kosovës, ka thënë se nuk ka pasur asnjë të lënduar dhe policia ka arritur në vendin e ngjarjes me kohë.

“Në momentin që e kemi marrë lajmin për rastin në fjalë, kemi ardhur në vendin e ngjarjes për një kohë shumë të shkurtër sepse fatmirësisht sot ka qenë fundjavë dhe komunikacioni nuk ka qenë I ngarkuar. Të lënduar nuk ka. Zjarri siç po shihet është në hyrje të ndërtesës, domethënë në orët e rrymës elektrike. Një problem është në këtë hyrje të ndërtesës sepse nuk ka një vend ku mundet me u ventilu, me u largu gazërat që janë liruar. Mirëpo ne jemi këtu për t’u ndihmuar banorëve për t’i evakuuar ata nëse ka nevojë”, tha zëdhënësi i zjarrfikësve Uka.

Sipas Ukës, banorët nuk janë të rrezikuar, por deri në ventilimin e ajrit të tymosur, i cili është i koncentruar në katet e sipërme të ndërtesës, banorët nuk mund të qarkullojnë pa lejen e Policisë.

Luljeta Hasani, banore në këtë ndërtesë, u shpreh se gjithçka filloi me kërcitjen e orëve elektrike, të cilat, sipas saj, ngjasonin me kërcitjet në luftë. Por ajo mbetet shumë e kënaqur me punën e bërë nga pjesëtarët e policisë, të cilët e kanë kryer detyrën në mënyrë shumë korrekte.

“Si e kam parë tymin, flaka, kërcitnin orët sikur me qenë në luftë. E kam lajmëruar policinë dhe menjëherë kanë ardhur. Nëpërmes policisë, unë I kam lajmëruar policinë, ende pa e kryer telefonin, ata kanë qenë këtu. Policia i ka ra në një rrugë tjetër, këta zjarrfikësit kanë hyrë kah tuneli që me qenë rruga e kalueshme dhe kanë ardhur menjëherë”, tha Hyseni.

Ajo tregoi se një rast të ngjashëm kanë pasur edhe më parë me orët elektrike.

Edhe banorët tjerë u shprehën shumë të kënaqur me punën e policisë, sepse ka arritur në vendin e ngjarjes për një kohë shumë të shpejtë.