Një grabitje me armë ka ndodhur këtë pasdite në qytetin e Shkodrës. Mësohet se 3 persona të maskuar dhe të armatosur i kanë dalë para dhe kanë grabitur shtetasin F. A. dhe të fejuarën e tij, E. L.

Ngjarja ka ndodhur në një rrugë dytësore afër aksit rrugor Shkodër-Tiranë, dhe është njoftuar nga disa telefonues. Nga të dhënat paraprake, është bërë e ditur se grabitësit kanë marrë nën kërcënimin e armës 7 mijë lekë të reja dhe një telefon iPhone5, që ka pasur me vete çifti.

Autorët kanë qenë me një mjet tip foristradë. Menjëherë porsa është marrë njoftimi, policia e Shkodrës ka angazhuar një numër të madh efektivash të policisë, ku janë ngritur pika kontrolli e po vijon krehja e zonës për kapjen e autorëve. Në vendin e ngjarjes grupi hetimor po kryhen veprimet.