Analisti politik Shenoll Muharremi ka reaguar me ironi ndaj bisedimeve të vazhdueshme ndërmjet Lëvizjes Vetëvendosje dhe Nismës Socialdemokrate, të cilat po zhvillohen me qëllim zgjidhjen e ngërçit politik dhe konstituimin e Kuvendit të Kosovës.

Në një postim në rrjete sociale, Muharremi ka thumbuar qasjen e të dyja partive, duke shkruar: “VV e Nisma po i vazhdojnë bisedimet… Dikush mundet me i njoftu që nuk po kqyrim me i martu dy kushëri, veç po provojmë me e konstituu Kuvendin?”, transmeton lajmi.net

Ai ka aluduar se nga të dyja anët mungon sinqeriteti politik dhe përkushtimi për të dalë nga bllokada: “Po duket që Limaj po e lyp diçka që nuk mundet pas, e Kurti po e lyp ndonjë justifikim të ri. Për popullin? Nuk po lypë kërkush asgjë.”

Postimi i Muharremit vjen në kohën kur ende nuk ka marrëveshje konkrete për konstituimin e Kuvendit, ndonëse të hënën pritet të mbahet tentimi i 50-të për ta çuar përpara këtë proces./lajmi.net/