Liverpool ka ringjallur interesimin për transferimin e mesfushorit të Interit, Xherdan Shaqiri, ka bërë të ditur tabloidi britanik “Daily Express”.

Ylli kosovar nënshkroi me “Nerazzurrët” në janar, por mund të largohet nga klubi gjatë këtij afati kalimtar të verës.

“Reds” janë në mesin e klubeve të gatshme për ta mirëpritur, e sidomos për faktin se ata dështuan në blerjen e tij, para se ai t’i bashkohej Interit.

Shaqiri realizoi vetëm një gol në 15 paraqitje në Serie A, ndërsa e humbi vendin në formacionin bazë në periudhën e fundit të sezonit.