Sarri takohet me presidentin e Juventusit, kjo është arsyeja
E ardhmja e Maurizio Sarrit është shumë e paqartë pas rezultateve të dobëta të Juventusit në këto ndeshjet e fundit.
Sport
Sipas asaj që raporton La Stampa, takimi në mes të presidentit dhe vetë trajnerit u bë edhe më i arsyeshëm pas humbjes 2:1 që pësoi ‘’Zonja e Vjetër’’ kundër Hellas Veronas javën që lamë pas.
Statistika e klubit nga Torino janë dukshëm më të dobëta sesa në kohën që skuadra menaxhohej nga Massimiliano Allegri, përcjell lajmi.net.
35 herë kampionët italianë kanë nëntë pikë më pak se mesatarja e pikëve që kishin nën urdhërat e Allegrit.
Kur këtyre fakteve ia shtojmë zërat se Guardiola shumë lehtë mund të bëhet trajner i Juventusit, stoli i Sarrit dridhet dyfish më shumë dhe gjasat për largimin e tij janë shumë më të mëdha.
Të enjten, Juventusi do të udhëtojë për në Milano për ta zhvilluar ndeshjen e parë të gjysëmfinales së Kupës së Italisë kundër Rossonerëve, dhe dështimi eventual në këtë ndeshje do të ishte i pariparueshëm për 61-vjeçarin. /Lajmi.net/