“Topçinjtë” kanë pasur një fillim katastrofal të sezonit, pasi kanë humbur tre ndeshjet e tyre të para pa shënuar një gol teksa janë në fund të tabelës në Ligën Premierë.

Presioni tani është i vendosur mbi Artetën për të nxjerrur nga kriza skuadrën, veçanërisht pasi ata janë shpenzuesit më të mëdhenj të merkatos verore, me rreth 156 milion funte të shpenzuara.

Cascarino mendon se Allardyce, i cili aktualisht është pa punë pasi u largua nga West Brom në fund të sezonit të kaluar, beson se Arsenali do të ishte në një gjendje shumë më të mirë të çështjeve nëse ai do të ishte në krye.

“Nëse shikoni se çfarë i bëri West Brom – e di që ata ranë, por ai sigurisht i bëri ata shumë më mirë në mbrojtje,” tha Casc për talkSPORT.

“Ai do ta bënte Arsenalin më të mirë.

“Unë e di që disa tifozë të Arsenalit nuk e marrin për bazë këtë, ata duan që ekipet e tyre të kenë aftësi, por unë mendoj se Sam padyshim që do të bënte një punë më të mirë sesa Arteta po bën në këtë moment”, ka përfunduar ish lojtari i Premier Ligës që kishte luajtur me skuadrat e Chelseas dhe Aston Villas.

Në anën tjetër drejtori teknik Edu ka mbrojtur politikën e transferimeve të klubit pas kritikave të ashpra dhe fillimit të dobët të sezonit.

Gjashtë lojtarë janë sjellë që nga fundi i sezonit të kaluar, por vetëm Martin Odegaard dhe Ben White mund të konsiderohen të gatshëm për veprim të menjëhershëm ose të rregullt të ekipit të parë.

Pjesa tjetër është nënshkruar me një sy në të ardhmen ose për të qëndruar si opsione rezervë në skuadrën e Artetas.

Edu pretendon se është e padrejtë që tifozët ose ekspertët të nxitojnë për të bërë gjykime bazuar në rezultatet e hershme dhe vuri në dukje se dëmtimet kanë qenë gjithashtu një faktor në ndeshjet e deritanishme. /Lajmi.net