Salah vendos rekord pas dy golave të realizuar ndaj Atletico Madrid

16:58 | 20 Tetor 2021

Sulmuesi i gjigantit anglez është duke shkëlqyer këtë edicion.

Mohamed Salah ishte protagonist kryesor në fitoren e Liverpoolit mbrëmë ndaj Atletico Madridit me rezultat 2-3, shkruan lajmi.net.

Egjiptiani shënoi dy gola në min e 8 dhe në min 78′ për t’i dhënë një fitore të rëndësishme të ekipit të tij.

Pas këtyre golave tani Salah është bërë futbollisti i vetëm i “The Reds” që arrin të shënojë gol në nëntë ndeshje radhazi.

Një ecuri fantastike kjo e sulmuesit që gjithashtu është bërë golashënuesi më i mirë i Liverpoolit në histori të Ligës së Kampionëve me 31 gola.

29-vjeçari, këtë edicion ka realizuar 12 gola e katër asitime në 11 ndeshje të luajtura. /Lajmi.net/